Popular Bible Verses from Saray Salmo 32

Share

Kuay KATAWAN, “Iwanwan ta kad dalan a nepeg mon tombuken; ibangat tan simbawaan ta ka.

Sikay pasen a panaamutan ko; sikay mangipaliis ed siak ed gunigon. Maksil ya ikantak so panangilaban mo, ta iyaagel mo ak.

Insan impatwak iray kasalanan kod sika; ag ko inyamut iray maoges a ginagawak. Ginetmak ya ipatwak irad sika, et pinirdonam ya amin iray kasalanan ko.

Maliket iray totoon apirdona la ray kasusumlang da tan apaandi la ray kasalanan da.

Maliket so too a say KATAWAN et ag to aakusaen a nanggaway kaogsan tan anggapod puso to so antokaman a panamalingo.

Kanyan amin a matoor a totoom et nepeg day mampikasid sika no panaoy pankaukolan; no onsabiy baleg a delap na gunigon, ag nasabiy kawalaan da.