Popular Bible Verses from Saray Salmo 31

Share

Mampabiskeg kayo tan mampakasil kayoy linawa, amin yon maniilalod KATAWAN.

Wala lawas ed limam so bilay ko, iliktar mo ak pad saray kalaban ko tan saray mamapairap ed siak.

Makapakelaw a tuloy so kamaungan ya igaganam ed saray mangigagalang ed sika! Kabat na amin a totoo so ontan lan kamaungan mo, say ontan lan panangyagel mod kaatapan ed saray manmamatalek ed sika.

Balet, manmamatalek ak ed sika, KATAWAN; sikay Dios ko.

Sikay salimbengan ko tan say tirinsirak; iwanwan tan itonton mo ak pa onung na insipan mo.

Imamatalek kod sika so ispirituk. Ilaban mo ak, KATAWAN; matoor kan Dios.

Aro yoy KATAWAN, amin yon matoor a totoo to! Iyaagel na KATAWAN iray matoor, balet dudusaen to ray mapaatagey onung ed kanepegan da.

Onsisingger ak a papaiyagel ed sika, O KATAWAN; ag mo pan balut iyaabuloy a natalo ak. Matonung kan Dios, ilaban mo ak, pikasik ed sika!