Popular Bible Verses from Saray Salmo 18

Share

Say KATAWAN so manangilaban ko; sikatoy mabiskeg a tirinsirak. Say Dios ko so manangyagel ko; tan no kaibak anggapoy pagpagak. Sikatoy singa samper a manasanib ed siak; iyaagel to ak tan iyaarawi to ak ed kaatapan.

Ayadyari ray gawa na sayan Dios, napanmatalkan iray salita to! Aliling toy samper ed amin da ray papaiyagel ed sikato.

Ontatawag ak ed KATAWAN, et iyagel to ak ed saray kalaban ko. Idayew yoy KATAWAN!

Nen asabian ak na segsegang, tinmawag ak ed KATAWAN; kinmerew ak ed Dios ko na tulong to. Diad timplo to dinengel toy bosis ko; dinengel toy ikekerew koy tulong.

O KATAWAN, iitdan mo ak na liwawa; papaliwawaen moy bilonget ko.

Sayan Dios a mamapabiskeg ed siak, eekalen toy kaatapan ed dalan ko.

Say KATAWAN et mabilay! Nadayew komun so manangyagel ko! Ibawag yoy talonggaring na Dios a manangilaban ko.