Popular Bible Verses from Marcos 4

Share

Binmangon si Jesus tan ingganggan to may maksil a bagyo, “Tonda ka!” Insan kuantod saray daluyon, “Deen kayo!” Tinmondan tuay bagyo tan dinmeen a maung so dayat. Kayari to man, kuanen Jesus ed sikara, “Akin et agaylay takot yo? Anggapo ta niy pananisia yo?”

Asabian iray balbaleg a takot tan inkuandad sakey tan sakey, “Siopa kasi yan too, a pati say dagem tan saray daluyon et ontotoluk irad sikato?”

Akadanganan a naogip si Jesus, diad bandad samput na baloto. Niliing na saray disipulo tan inkuanda, “Maistro, anggapo labat so pagpagam? Onlelereg itayo la!”

Insan inkuantod sikara, “Talusan yon maung so narerengel yo. No panoy panukat yod arum a totoo, ontan met so panukat na Dios ed sikayo—lalon mapeget ni ingen.

Intuloy nen Jesus so nampaliwawa: “Say Panariay Dios aliling toy sakey a toon mansisibwag na ilik ed dalin to. Kasumpal to, naogip no labi tan ombangon no agew. Saray ilik balet, ontutubo tan ombabaleg ira, ya ag to amta no panon so itutubo tan ibabaleg da.

Dengel kayo sirin, sikayo ran walay layag!”