Popular Bible Verses from MARCOS 9

Share

Ni Jesus kinunana kencuana: No adda bassit pannacabalinmo! amin a banag mabalin cadagiti mammati.

Dagus a daydi ama di bumaro nagickis ket kinunana a sisasangit: Mamatiac, tulungam ti curang ti pammatic.

Ket idi simrec iti balay, dagiti adalanna inintuudda kencuana idi isisu; Apayapay saanmi a nabalinan a pinaruar? Ket kinunana cadacuada: Daytoy a kita saan a maparuar gapu iti aniaman, no di gapu iti panagcararag.

Nasayaat ti asin; ngem no ti asin mapucawna ti apgadna anianto ti pangtemplayo kencuana? addaancayo coma ti asin, ken talna ti maysa ken maysa cadacayo.

Siasinoman nga umawatto a gapu iti naganco iti maysa cadagiti cacastoy nga ubbing, siac ti awatenna; ket ti umawat caniac, saan a siac ti awatenna, no di daydiay nangibaon caniac.

Ta siasinoman a mangtedto cadacayo ti inumen a sangavaso a danum agsipud ta taonacayo ni Cristo, pudno cunac cadacayo a dinanto mapucaw ti gonggonana.

Ket siasinoman a mangitibcolto iti maysa cadagitoy babassit nga ubbing a mamati caniac, nasaysayaat coma kencuana no maibattoon iti tengngeda ti maysa a dackel a bato a gilingan ken maitappuac coma iti baybay.

Ket no ti matam ti macaited kenca ti pacaitibcolam, suatem; ta nasaysayaat kenca ti sumrec idiay pagarian ti Dios a maymaysa ti matam ngem iti addaanca ti dua a mata, ket maitappuacca idiay infierno