Popular Bible Verses from MARCOS 10

Share

Ta uray pay toy Anac ti tao saan nga immay tapno pegservian, no di ket tapno agservi ken tapno itedna ti biagna a subbot dagiti adu.

Ket ni Jesus idi a tinaliawna ida, cunana: Cadagiti tao saan a mabalin daytoy, ngem saan a casta iti Dios; ta amin dagiti banag, isuda mabalin iti Dios.

Ket ni Jesus kinunana kencuana: Incan; ti pammatim inagasannaca. Ket dagus a nacakita, ket simmursurot kencuana iti dalan.

Ti pinagtipon ti Dios, ngarud, saan coma a pagsinaen ti tao.

Ket ni Jesus, idi nga minatmatanna, inayatna; ket kinunana kencuana: Maysa a banag ti agcurang kenca: inca, ilacom dagup ti adda kenca, ket itedmo cadagiti napanglaw; ket addanto kinabacnangmo idiay langit; ket umayca, surutennac.

Ket idi nagsao ni Jesus, kinunana kencuana: Ania ti cayatmo nga aramidec coma kenca? Daydi bulsec kinunana kencuana: Mannursuro, macakitaac coma.

Ngem saan a casta cadacayo; no di ket ti siasinoman nga agtarigagay nga agbalin coma a dackel cadacayo, isunto ti adipenyo

Pudno cunac cadacayo, a ti saan nga umawatto iti pagarian, ti Dios a cas la maysa nga ubing, dinto sumrec kencuana.

Ngem adu dagiti umuna a maud-udidanto; ken dagiti maudi, nga umun-unadanto.

Ngem nanipud idi damo ti pannacaparsua, ti Dios inaramidna ida a lalaki ken babai. Gapu itoy panawanto ti lalaki ni amana ken ni inana, ket makitipon ken asawana; Ket isuda a dua maymaysadanto a lasag. Gapuna a saandanto a duan, no di la maymaysa a lasag.