Popular Bible Verses from MARCOS 14

Share

Ket kinunana: Abba, Ama amin a banbanag mabalin kenca: ipanawmo cadi caniac daytoy a copa; nupay casta saan a ti cayatco, no di ta cayatmo.

Agpuyatcayo, ket agcararagcayo, tapno dicay sumrec iti pannacasulisog; ti nakem pudno a sireregta, ngem ti lasag nacapuy.

Pudno cunac cadacayo nga uray sadino a pacaicascasabaanto ti evangelio iti isu-amin a lubong, idiay masaritanto met ti inaramid daytoy a babai tapno pacalaglagipan kencuana.

Ket cunana cadacuada: Adda a naladingit unay ti cararuac agingga iti ipapatay; agbaticayo ditoy, ket agpuyatcayo.

Ket idi mangmanganda, ni Jesus nangala ti maysa a tinapay, ket idi nabendicionanna biningbingayna, ket intedna cadacuada, ket kinunana: Alaenyo; daytoy isu ti bagic.

Ket nangala ti maysa a copa, ket idi nacapagyaman, intedna cadacuada; ket isuda amin imminumda kencuana. Ket kinunana cadacuada: Daytoy isu ti darac iti Baro a Tulag isu a maibucbuc a maipaay cadagiti adu.

Ket ni Jesus cunana cadacuada: Dacay amin maitibcolcayto; ta adda a naisurat: Sugatecto ti pastor, ket mawarawaranto dagiti carnero.

Bumangoncayo, intayon; adtoy, ti mangliput caniac, umasidegen.

Ket cuna ni Jesus kencuana: Pudno cunac kenca, a sica, ita, iti daytoy a rabii, inton di pay agtaraoc ti cawitan iti mamindua, paglicudannacton iti mamitlo.