Popular Bible Verses from MARCOS 13

Share

Ket caguradacayto dagiti amin a tao gapu iti naganco; ngem ti agtalinaed nga agingga iti panungpalan, maisalacanto.

Kitaenyo agsalucag ken agcararagcayo, ta dicay ammo ti aldaw no caanonto.

Inton ipandacayo ngarud iti pangocoman, ken iyawatdacayo, dicay pacaringgoran nga umuna no ania ti saoenyonto; ngem ti aniaman a maitedto cadacayo, iti dayta nga horas, dayta ti isaoyo; ta saan a dacayo dagiti agsao, no di ket ti Espiritu Santo.

Ti langit ken ti daga lumbesdanto, ngem dagiti saoc didanto lumbes.

Ngem ti maipapan iti dayta nga aldaw wenno dayta nga horas, awan ti macaammo uray pay dagiti angel sadi langit, uray pay toy Anac, no di laeng ni Ama.

Ngem inton mangngegyo ti maipapan cadagiti gubat ken damag ti gubat, dicay aglagaw: masapul a mapasamac; ngem saan pay nga isu ti panungpalan.

Agsalucagcay ngarud, ta dicay ammo no caano ti iyaay ti apo ti balay, no iti malem wenno iti tengnga ti rabii, wenno inton panagtaraoc ti cawitan, wenno iti bigat: Di la ket ta inton umay a kellaat, masaracannacayo a matmaturog. Ket ti cunac cadacayo, cunac cadagiti isu-amin: Agsalucagcayo.

Ta ti maysa a nacion tumacderto a bumusor iti sabali a nacion ken pagarian a bumusor iti sabali a pagarian; addanto gingined iti nadumaduma a disso; ket addanto bisbisin: dagitoy a banag isudanto ti pangrugian dagiti ladingit.

Ket masapul a ti evangelio maicascasaba nga umuna cadagiti amin a nacion.

Adu dagiti umayto iti naganco a cuncunada: Siac ni Cristo; ket adu dagiti ulbudendanto.

Ngem aluadanyo ti bagiyo met laeng; ta iyawatdacayo cadagiti pangocoman, ken cadagiti sinagoga masaplitcayto; ket maisaclangcayto iti sangoanan dagiti agtuturay ken arari, gapu caniac, tapno pangpanecnec cadacuada.

Ta tumacderdanto dagiti sinan Cristo, ken sinan mammadto, ket mangipakitadanto cadagiti pagilasinan ken datdatlag, tapno macapasurotda no mabalin coma, uray pay cadagiti napili.

Ngem cadagidiay nga aldaw, inton calpasan daydiay a rigat, ti init aglulemto ket ti bulan saannanto nga ited ti lawagna. Ket dagiti bituen agtinnagdanto manipud langit; ket dagiti pannacabalin nga addada cadagiti langlangit, agkintayegdanto.