Popular Bible Verses from MATEO 6

Share

Ngem birukenyo nga umuna ti pagarian ti Dios ken ti kinalintegna, ket isu-amin dagitoy a banbanag mainayondanto cadacayo.

Saancayo ngarud nga agagawa iti maipay iti aldaw a sumaganad ta ti aldaw a sumaganad agawaannanto ti maipaay kencuana: Umdas ti dakes nga adda iti tunggal aldaw.

Gapuna cunac cadacayo: Dicay naagawa iti maipaay iti biagyo, no ania ti canenyonto wenno ania ti inumenyonto; ket uray ti bagiyo, no ania ti icawesyonto: Saan aya a nangnangrona ti biag ngem iti pagtaraon, ken ti bagi ngem iti cawes?

Ngem sica, inton agcararagca, sumrecca iti siledmo, ket inton nairikepen ti ruangan, agcararagca ken Amam nga adda iti nalimed: ket ni Amam a macakita iti nalimed gungunaannacanto.

Dacayo, ngarud, agcararagcayo a castoy: Amami, nga addaca sadi langit, madaydayaw coma ti Naganmo. Umay coma ti pagariam. Maaramid coma ti pagayatam cas sadi langit casta met ditoy daga.

Itedmo cadacam ita ti taraonmi iti inaldaw.

Ket pacawanennacami cadagiti ut-utangmi, a cas met panamacawanmi cadagiti nacautang cadacami.

Ket dinacam iyeg iti pannacasulisog, no di ket isalacannacami iti dakes.

Ta no pacawanenyo dagiti tao cadagiti pammaldaangda, pacawanennacayto met ni Amayo a nailangitan.

Imutectecanyo dagiti tumatayab ti langit, a dida agmula, dida agani ket dida agurnong cadagiti camcamalig: ket ni Amayo a nailangitan taraonanna ida: Saancayo aya a napatpateg unay ngem isuda?

Saancayo nga agurnong cadagiti gupgupit nga agpaay cadacayo ditoy daga, isu a ti sanga ken ti lati dadaelenda ida, ken isu a dagiti mannanacaw calienda ket tacawenda; Ngem agurnongcayo cadagiti gupgupit sadi langit, isu a ti sanga ken ti lati dida dadaelen ken isu a dagiti mannanacaw dida calien ken tacawen: Ta no adino ti yan ti gupityo, addanto met idiay ti pusoyo.

Awan ti tao a macabalin nga agservi iti dua nga appo; ta guraennanto ti maysa ket ayatennanto ti sabali, wenno sumurotto iti maysa ket umsienna ti sabali: dicay mabalin ti agservi iti Dios ken iti kinabacnang.

Ket no ti Dios casta ti panangawesna iti root cadagiti cataltalonan nga ita agbiag, ket inton bigat maisungrod iti dalican. Saan aya a nangnangrona a dacayo ti cawesannanto, O dacayo a bassitan pammati?

Ngem sica intono manglimosca, saan coma a maammoan ti macatigidmo ti aramiden ti macanawanmo; Tapno ti limosmo nalimed: ket ni Amam a macakita iti nalimed, gungunaannacanto.

Agannadcayo ta saancayo nga agaramid iti kinalintegyo iti sangoanan dagiti tao, tapno pagpasindayawyo: ta no saan, awan ti gungunayo ken Amayo nga adda sadi langit.

Ket intono agayunarcayo, saancay a cas la cadagiti managinsisingpet a naliday ta baliwanda ti rupada, tapno agparangda a nagayunar cadagiti tattao. Pudno cunac cadacayo: Inawatda ti gungunada. Ngem sica, inton agayunarca, lanaam ti ulom ket agdiramosca; Tapno di maiparang cadagiti tattao nga agayunarca, no di ken Amam nga adda iti nalimed: ket ni Amam, a macakita iti nalimed, gungunaannacanto.