Popular Bible Verses from MATEO 5

Share

Ket saan met a gangatan dagiti tao ti maysa a silaw ket sa icabil iti siroc ti maysa a salop, no di ket iti pagsilawan, ket lawaganna dagiti isu-amin nga adda iti balay. Casta coma ti panaglawag ti silawyo iti sangoanan dagiti tao; tapno makitada dagiti naimbag nga aramidyo, ket dayawenda coma ni Amayo nga adda sadi langit.

Dacayo ti silaw ti lobong: ti maysa nga ili a naisaad iti rabaw ti maysa a turod, saan a mabalin nga ilemmeng.

Nagasat dagiti nadalus ti pusoda; ta makitadanto ti Dios.

Nagasat dagiti mabisin ken mawaw iti kinalinteg; ta mapnecdanto.

Ngem siac cunac cadacayo: Ayatenyo dagiti cabusoryo, ket icarcararaganyo dagiti mangidadanes cadacayo

Nagasat dagiti napanglaw iti pakinakemda; ta cucuada ti pagarian ti langit.

Nagasat dagiti mamagcacappia; ta managandanto anac ti Dios.

Nagasat dagiti agladingit; ta maliuliwadanto.

Nagasat dagiti maidadanes a maipoon iti kinalinteg; ta cucuada ti pagarian ti langit.

Nagasat dagiti manangngaasi; ta lacamendanto ti asi.

Nagasatcayo intono lalaisendacayo ket idadanesdacayo, ket pagsasaoandacayo ti amin a kita ti dakes gapu caniac, nga agulbodda. Agragsaccayo ken agrag-ocayo la unay; ta ti gonggonayo dackel sadi langit: ta casta met ti panangidadanesda cadagidi mammadto a nagbiag nga immununa ngem dacayo.

Nagasat dagiti naemma; ta tawidendanto ti daga.

Dacayo ti asin ti daga; ngem no ti asin timmamnayen. Anianto ti pangasin kencuana? Awanen ti capapaayanna, no di maibel-leng iti ruar ket baddekenen dagiti tao.

Agimbagcayo ngarud, nga awan pagcuranganna, a cas ken Amayo a nailangitan nga awan pagcuranganna.

Castoy ngarud ti panagsaoyo: Wen, wen; Saan, saan; ta ti suroc dagitoy, nagtaud iti dakes.

Nangngegyo a naisao: Mata supapacan iti mata, ket ngipen, ti ngipen. Ngem siac cunac cadacayo: Dicay sarangten ti dakes; no di ket ti uray siasino a tumungpa iti pingpingmo a macanawan, iparangmo pay kencuana ti bangir.

Ket, no ta matam a makincanawan isu ti mangted kenca ti pacaitibcolan, isu suatem, ket ibel-lengmo: ta nasaysayaat kenca a mapucaw ti maysa cadagiti camcamengmo, ngem ti isu-amin a bagim maibel-leng iti infierno. Ket no ta imam a makincanawan isu ti pacaitibcolam, isu ti putdem ket ibel-lengmo: ta naimimbag kenca a mapucaw ti maysa cadagiti camcamengmo, a saan ket a ti isu-amin a bagim mapan iti infierno.