Popular Bible Verses from MATEO 16

Share

Idin kinuna ni Jesus cadagidi adalanna; no sinoman a tao ti mayat nga umay sumurot caniac paglicudanna ti bagina ket alaenna ti cruzna, ket surutennac.

Ket siac cunac met kenca, a sica Pedroca; ket iti daytoy a bato bangonecto ti Iglesiac; ket dagiti ruangan ti Hades saandanto nga agballigi kencuana.

Itdecto kenca dagiti tulbec ti pagarian ti langit; ket ti aniaman a galutamto ditoy daga, magalutanto idiay langit; ket ti aniaman a warwaramto ditoy daga mawarwaranto idiay langit.

Ta uray siasino a mayat coma a mangisalacan iti biagna, isu ti mapucawnanto; ket uray siasino a macapucaw iti biagna gapu caniac isu ti masaracannanto.

Ta, Ania ti magun-guna ti tao, no maalananto ti amin a lubong ket mapucawnanto ti cararuana? wenno ania ti itedto ti tao a sucat ti cararuana?

Ni Jesus cunana cadacuada: Ngem dacayo siasinoac ti panagcunayo? Ket simmungbat ni Simon Pedro, ket kinunana: Sica ti Cristo, ti Anac ti Dios a sabibiag.

Ket simmungbat ni Jesus, ket kinunana kencuana: Nagasatca, Simon, anac ni Jonas; ta saan nga ti lasag wenno dara, ti nangipaltiing kenca no di ket ni Amac nga adda sadi langit.