Popular Bible Verses from MATEO 15

Share

Ngem dagiti banag a rummuar iti ngiwat, agtaudda iti puso; ket isuda ti mangtulaw iti tao. Ta iti puso rummuar dagiti dakes a panunot, pammapatay, pannakicamalala, ab-abig, tactacaw, naulbod a manangsacsi, tabtabaaw iti Dios

Saan a dayta sumrec iti ngiwat, ti mangtulaw iti tao; no di ket dayta rummuar iti ngiwat, isu ti mangtulaw iti tao.

Daytoy nga umili dayawennac cadagiti bibigda; Ngem ti pusoda adda iti adayu caniac. Ngem barengbareng ti panagdayawda caniac. Nga isursuroda dagiti sursuro a bilbilin dagiti tao.

Iti casta simmungbat ni Jesus ket kinunana kencuana: O babai, dackel ti pammatim; maaramid coma kenca a cas tarigagayam: Ket immimbag di anacna nanipud idi nga horas.

Ngem di babai immay ket nagdaydayaw kencuana a cuncunana: Apo, badangannac. Ket isu simmungbat, ket kinunana: Saan a maiparbeng nga alaen ti tinapay dagiti annac, ket ibacal cadagiti uken. Ket di babai kinunana: Wen Apo: ngem dagiti uken manganda met cadagiti murcat a maregreg iti panganan dagiti appoda.