Popular Bible Verses from SANTIAGO 4

Share

Paiturayancay ngarud iti Dios; ngem makibacalcayo iti diablo, ket isu agtalawto cadacayo.

Umadanicayo iti Dios, ket isu umasidegto cadacayo. Dalusanyo dagiti im-imayo, dacayo a managbasol, ket guguranyo dagiti puspusoyo, dacay a nagcaddua ti nakemyo.

Agpacumbabacayo iti imatang ti Apo, ket isu itan-ocnacayto.

Ngem isu mangted iti dacdackel a parabur. Gapuna cuna ti Surat: Ti Dios bumusor cadagiti natangsit, Ngem mangted ti parabur cadagiti napacumbaba.

Ti macaammo ngarud nga agaramid iti nasayaat, ket dina aramiden, basol kencuana.

Agdawatcayo ket dicay umawat, ta saan a nasayaat ti panggepyo nga agdawat, ta raritenyo cadagiti ragragsacyo.

Makicamcamalala a babbai, dicay ammo aya, a ti pannakipagayam iti lubong isu ti pannakibusor iti Dios? Daydiay ngarud agtarigagayto a gayyem ti lubong, agbalin a cabusor ti Dios.

Idinto a dicay ammo ti maaramidto no bigat. Ta ania ti biagyo? pudno a cas la maysa nga alibungubong, nga iti apagbiit agparang ket agpucaw.