Popular Bible Verses from SANTIAGO 3

Share

Ngem ti sirib nga aggapu sadi ngato, umuna nadalus, sumaganad natalna, nalaing, nalaca a pagdawatan napno iti asi ken cadagiti nasayaat a bungbunga, awan ti idumdumana, awan ti panaginsisingpetna.

Siasino ti masirib ken mannacaammo cadacayo? Ipakitana coma gapu iti naimbag a panagbiagna, dagiti aramidna iti kinaemma ti sirib

Ket ti bunga ti kinalinteg maimula iti talna a maipaay cadagiti agar-aramid ti talna.

Ta no sadino ti yan dagiti agum ken panagriringgor adda idiay ti riribuc ken amin nga aramid a kinadangcuc.

Isu ti pangdayawtayo iti Apo ken Ama, ket isu ti pangilunodtayo cadagiti tattao isuda a naaramid a caasping ti Dios: Iti maymaysa a ngiwat rummuar ti panangidayaw ken panangilunod. Cacabsat, dagitoy a banbanag saanda a maipaay a casta ti pannacaaramidda.

Ket ti dila isu ti maysa nga apuy, ti maysa a lubong ti kinadakes, a maicabil iti nagtengngaan dagiti camcamengtayo; isu a mangtulaw iti isu-amin a bagi, ket pasgedanna ti pilid ti sangcaparsuaan ket mapasgedan ti infierno.

Ngem ti dila saan a mabalin a paammoen ti uray siasino a tao: maysa a dakes a di aginana, napno iti gamut a macapatay.

Saan nga aducayo coma a mannursuro, cacabsatco; idinto nga ammoyo nga awatentayto ti naing-inget a pannacaocom.