Popular Bible Verses from SANTIAGO 1

Share

Ibilangyo, cacabsatco, a rag-o amin, no aglacamcayo cadagiti nadumaduma a pacasuutan: Idinto nga ammoyo a ti pannacasuut ti pammatiyo pataudenna ti anus.

Ngem no siasinoman cadacayo agcurang iti kinasirib, agdawat coma iti Dios, isu a mangted a sicacaasi cadagiti isu-amin, ket saan a mangpabain ket maitedto kencuana.

Ammoyo daytoy, ay-ayatec a cacabsatco: ngem tunggal tao nasiglat coma a dumngeg, nabannayat iti panagsao, narigat nga agunget

Ket patauden coma ti kinaanus ti aramid a naananay, tapno maananaycayo iti isu-amin, nga awan ket ti aniaman a pagkuranganyo.

Ngem managtungpalcay coma iti sao ket saan laeng a managdengngeg, nga allilawenyo dagiti bagbagiyo met laeng.

Nagasat ti tao a macaitured iti pannacasulisog; ta inton masuuten, awatennanto ti balangat ti biag, nga incari ti Apo cadagiti agayat kencuana.

Isu-amin a sagut a nasayaat ken isu-amin a sagut a naananay aggapuda iti ngato, bumaba nga aggapu iti Ama dagiti lawag, a kencuana awan ti aniaman a panagbalbaliw, wenno aniniwan ti panagbaliw ti turongen.

Ta no adda managdengngeg iti sao ket dina aramiden, umasping iti maysa a tao kitkitaenna ti nacayanacanna a rupa iti maysa a sarming; Ta kitaenna ti rupana, ket pumanaw, ket malipatanna daras no ania ti kitana a tao idi.

Ti panagdaydayaw a nadalus ken awan tulawna iti imatang ti Diostayo ken Ama, isu daytoy: Sarungcaran dagiti awan ti ammada ken dagiti balo a babbai iti ladingitda, ken agannad nga awan tulaw ti lubong.

Saan coma a sao-en ti siasinoman a tao no masulisog: Masulisogac iti biang ti Dios; ta ti Dios saan a mabalin a sulisugen cadagiti banbanag a dakes, ket isu awan met ti sulisogenna: No di ket tunggal maysa masulisog, no gargarien ken sulbogen ti derrepna met laeng.

Ngem ti cabsat a nababa ti casasaadna, agrag-o coma iti pannacaitan-ocna