Popular Bible Verses from GENESIS 50

Share

Ket dacayo, pinanagemyo ti dakes; caniac ngem pinanagem ti Dios a naimbag, tapno pagbanagenna cas adda ita, tapno ispalenna dagiti adu a tattao a sibibiag.

Ket ni Jose kinunana cadacuada, Dicayo agbuteng: ta siac addaac aya iti akem ti Dios?

Ita ngarud, dicayo agbuteng: siac taraonancayto, ken dagiti annacyo a babassit. Ket liniwliwana ida, ket nagsao a siaayat cadacuada.

Saoenyonto ti castoy ken Jose, Dawatec kenca ita, Pacawanem, ti salungasing dagiti cacabsatmo, ken ti basolda ta dakes ti inaramidda kenca. Ket ita, dawatenmi kenca, Pacawanem ti salungasing dagiti ad-adipen ti Dios ni amam. Ket ni Jose nagsangit idi nakisaoda kencuana.

Ket ni Jose kinunana cadagiti cacabsatna, Matayac; ngem ti Dios sarungcarannacayto a di bumurong, ket pasangatennacayto ditoy a daga a mapan iti daga nga incarina a sisasapata ken Abraham, ken Isaac, ken Jacob.

Ket ni Jose sinapataanna cadagiti annac ni Israel, cuncunana, Ti Dios sarungcarannacayto a di bumurong, ket dacayo alaenyonto ditoy dagiti tultulangco.

Ket ni Jose natay idi nagtawen iti sangagasut ket sangapulo: ket inimbalsamarda, ket naicabil iti maysa a lungon sadi Egipto.