Popular Bible Verses from GENESIS 49

Share

Dinto umadayo ti cetro ken Juda, Uray ti sarucod ti agturay di umadayo iti baet dagiti sacsacana, Agingga iti di umay ni Mamagcacappia; ket isu ti tulnoganto dagiti il-ili.

Ni Jose maysa a sanga a sibubunga, Sanga a sibubunga iti abay ti maysa nga ubbog; Dagiti sarsaringitna cumalatcatda iti bacud. Dagiti pumapana pinarparigatda, Ket pinampanada, ket kinamatcamatda

Ngem ti ba-ina nagtuloy iti pigsa, Ket dagiti ig-igam dagiti im-imana napapigsada, Gapu cadagiti im-ima ti Mannacabalin ni Jacob. (Isu a naggapuan ti pastor, ti bato ni Israel), Aggapu iti Dios ni amam met laeng, ti tumulongto kenca, Ket aggapu iti Mannacabalin amin ti mamendicionto kenca, Cadagiti benbendicion ti langit a nangato, Benbendicion ti yuyeng nga agiyan iti baba, Benbendicion dagiti sussuso, ken ti aanacan.

2 Sam. 22:41.Juda, sica daydayawendacantao dagiti cacabsatmo: Ti imam addanto iti lengnges dagiti cabusormo; Dagiti annac a lallaki ni amam agrucbabdanto kenca. Ni Juda isu urbon ti maysa a leon; Naggapu iti sinamsam immulica, anacco: Nagrucob, nagidda cas maysa a leon, Ken cas maysa a leon a babai; asino ti macariing kencuana?

Ruben, sica ti inauna nga anacco, ti pigsac, ken ti damo ti kiredco; Cangronaan ti caicarian, ken cangronaan ti pannacabalin. Sibuburec nga aglippias a cas danum, maawan coma kenca ti kinapangpangronam; Ta inulim ti pagiddaan ni amam; Idin: tinulawam: inulina ti pagiddaac.