Popular Bible Verses from EXODO 8

Share

Ket dagiti managsalamangca inaramatda dagiti salsalamangcada tapno mangpataudda cadagiti cutcuto, ngem dida nabalinan: ket kinuto idi ti tao ken ti animal. Idin dagiti managsalamangca kinunada ken Faraon, Ramay ti Dios daytoy: ket ti puso ni Faraon napatangken, ket saanna ida nga impangag; cas idi sinao ni Jehova.

Ket ni Jehova kinunana ken Moises, Inca ken Faraon, ket cunam kencuana, Castoy ti cuna ni Jehova, Bayam a pumanaw ti ilic tapno agdaydayawda caniac.

Ngem idi nakita ni Faraon nga ada bang-ar idi, pinatangkenna ti pusona, ket dina ida impangag; cas ni Jehova imbagana idi.

Ket no cas dica cayat a palubosan ida, adtoy, a cadagiti tuctucac dusaecto ti amin a beddengmo

Ket ni Jehova kinunana ken Moises, Saoem ken Aaron, Ilayatmo ta sarucodmo, ket baotem ti tapuc ti daga tapno agbalinda a cutcuto iti amin a daga nga Egipto.

Ket ni Jehova inaramidna a casta; ket limtuad ti pinangen a ngilaw a macasemsem unay iti balay ni Faraon ken cadagiti balbalay dagiti ad-adipenna; ket iti amin a daga nga Egipto, ti daga limmaad gapu cadagiti pinangen a ngilaw.