Popular Bible Verses from I AR-ARI 18

Share

Ipangagnac, O Jehova, ipangagnac, tapno daytoy nga umili maammoanna a sica, Jehova, Diosca, ket sica pinagsublim ti pusoda.

Ket naaramid iti tiempo ti panangidatag ti daton iti malem, a ni Elias a mammadto immasideg, ket kinunana, O Jehova, a Dios ni Abraham, ni Isaac, ken ni Israel, pabigbigca iti daytoy nga aldaw a sica ti Dios iti Israel, a siac ti adipenmo, ket siac inaramidco amin dagitoy a banbanag gapu iti saom.

Ket ni Elias immasideg iti amin nga umili, ket kinunana, Agpapan caano ti panagallaallayo iti dua a panunot? no ni Jehova isu ti Dios, sumurotcayo kencuana; ngem no ni Baal, sumurotcayo ngarud kencuana. Ket ti umili saan a simmungbat kencuana iti uray maysa a sao.

Idin ti apuy ni Jehova nagtinnag, ket rinunawna ti daton a mapuuran, ken ti cayo, ken dagiti bato, ken ti tapoc, ket dinilpatanna ti danum nga adda iti canal.

Ket idi a ti amin nga umili nakitada, isuda nagpaclebda: ket kinunada, Ni Jehova isu ti Dios; ni Jehova isu ti Dios.

Ket naaramid iti maicapito a daras, nga isu kinunana, Adtoy, ngumato ti maysa nga ulep iti taaw, a cas iti cabassit ti maysa nga ima ti lalaki. Ket isu kinunana, Sumang-atca, ibagam ken Acab, Isaganam ti luganmo, ket sumalogca, tapno ti tudo saannaca a pasardengen.

Ket ti ima ni Jehova adda ken Elias; ket isu binaricsanna dagiti lomona, ket nagtaray iti una ni Acab inggana iti ruangan ti Jezreel.

Ket ni Elias kinunana ken Acab, Sumang-atca, manganca ken uminumca; ta adda carasacas ti adu unay a tudo.

Ket isu kinunana idi adipenna, Sumang-atca ita, cumitaca a sumango iti taaw. Ket isu simmang-at, ket kimmita, ket kinunana, Awan ti uray ania. Ket isu kinunana, Incamanen a maminpito daras.

Ket ni Elias kinunana iti amin nga umili, Umasidegcayo caniac; ket amin nga umili immasideg kencuana. Ket isu tinarimaanna ti altar ni Jehova a narba idi.

Ket awaganyo ti nagan ti diosyo, ket siac awagacto ti nagan ni Jehova: ket ti Dios a sumungbat babaen ti apuy, dayta isu coma ti Dios. Ket ti amin nga umili simmungbat ket kinunana, Nasayaat a pannacasao.

Ket ni Elias nangala iti sangapulo ket dua a bato, a mayannurot iti bilang dagiti caputotan dagiti annac ni Jacob, a kencuana immay ti sao ni Jehova, a kinunana, Israel isunto ti naganmo.

Ket naaramid iti matoon, a ni Elias rinabrabacna ida, ket kinunana, Umkiscayo iti natbag; ta isu maysa a dios: isu agpanpanunot, wenno isu nagpaing, wenno isu adda iti maysa a pannagna, wenno nalabit isu matmaturog ket masapul a riingen.

Ket cadagiti bato isu namatacder ti maysa nga altar iti nagan ni Jehova, ket isu nangaramid ti maysa a canal iti aglicmut ti altar, a ti cadackelna launenna ti dua casucat a bucbukel.