Popular Bible Verses from I AR-ARI 17

Share

Ta castoy ti cuna ni Jehova, ti Dios ti Israel, Ti putic ti bel-laay saanto a maibusan, uray ti porong-go ti lana saanto a macurangan inggana iti aldaw a panagbaon ni Jehova ti tudo iti rabaw ti daga.

Ket ni Elias a Tisbita, isu a maysa cadagiti agyan sadi Galaad, kinunana ken Acab, Cas ni Jehova, a Dios ti Israel sibibiag, nga ti sangona agtatacderac, awanto ti linnaaw uray tudo cadagitoy a tawtawen, no saan laeng a mayannurot iti saoc.

Ket ni Elias kinunana kencuana, Dica agbuteng; inca ket aramidem ti cas ti kinunam; ngem yaramidannac nga umuna ti sangcabassit a bibingca, ket isu ti iruarmo caniac, ket intono malpas mangaramidca iti maipaay kenca ken maipaay iti anacmo.

Ket isu kinunana, Cas ni Jehova a Diosmo sibibiag, siac awan maysa a bibingcac, no saan laeng a sangcarakem a bel-laay iti putic, ken sangcabassit a lana iti porong-go ket, adtoy, siac mangpidotac cadagiti dua a ruting, tapno innac ket isu ti isaganac coma a maipaay caniac ken ti anacco, tapno isu ti canenmi ket mataycamin.

Tumacderca, inca sadi Sarepta, isu a biang ti Sidon, ket agnaedca sadiay: adtoy, imbilinco iti maysa a babai a balo sadiay a taraonannaca.

Ti putic ti bel-laay saan a naibusan, uray ti porong-go ti lana saan a nacurangan a mayannurot iti sao ni Jehova, isu a sinaona iti pannacaaramat ni Elias.

Ket isu napan ket inaramidna ti mayannurot iti sao ni Elias: ket nanganda di balo a babai, ken ni Elias, ken ti balay ti balo, iti adu nga aldaw.

Iti casta isu timmacder ket napan sadi Sarepta; ket idi a dimteng iti ruangan ti ili, adtoy, maysa a babai a balo adda idiay nga agpidpidot cadagiti ruting: ket isu inayabanna, ket kinunana kencuana, Agdawatac kenca, yegannac iti bassit a danum iti maysa a vaso, tapno inumec.

Ket castoyto, nga uminumcanto iti waig; ket siac imbilinco cadagiti wac a taraonandaca sadiay.

Ket idinto a mapmapan tapno isu iyalaanna, isu pimmuccaw ket kinunana kencuana, Agdawatac kenca, yegannac ti sangcasacmol a tinapay iti imam.

Ket dagiti wac impanda kencuana ti tinapay ken lasag iti agsapa, ken tinapay ken lasag iti malem; ket isu imminum iti waig.

Ket naaramid iti calpasan ti maysa a tiempo, a ti waig naatianan, ta awan idi ti tudo iti daga.

Ket ti babai kinunana ken Elias, Ita siac ammoc a sica ti maysa a lalaki ti Dios, ket ti sao ni Jehova ita ngiwatmo isu ti pudno.

Iti casta isu napan ket inaramidna ti mayannurot iti sao ni Jehova; ta isu napan ket nagnaed iti denna ti waig a Cerit, isu nga adda iti sango ti Jordan.

Ket ni Jehova impangagna ti timec ni Elias; ket ti cararua ti ubing simrec manen kencuana, ket isu nagungar.