Popular Bible Verses from MIQUEAS 4

Share

Kay ang tanan nga katawohan magalakat ang tagsatagsa sa ngalan sang iya dios, kag kita magalakat sa ngalan sang GINOO nga aton Dios sa gihapon kag sa gihapon.

kag ang madamu nga pungsud magakadto, kag magasiling: “Kari kamo, kag magtukad kita sa bukid sang GINOO, sa balay sang Dios ni Jacob; kag tudloan kita niya sang iya mga dalanon kag magalakat kita sa iya mga banas.” Kay gikan sa Sion magagowa ang kasogoan, kag ang polong sang GINOO gikan sa Jerusalem.

Apang sa olihi nga mga adlaw mahanabu nga ang bukid sang balay sang GINOO patindugon sa putokputokan sang mga bukid, kag bayawon ini labaw sa kabakoloran; kag ang mga katawohan magaduguk sa iya

Magahukom sia sa tunga sang madamu nga mga katawohan, kag magatapat nahanungud sa mabakud nga mga pungsud sa malayo; kag salsalon nila nga mga punta sang arado ang ila mga espada, kag mga galab nga inughagbas ang ila mga bangkaw; ang pungsud indi na magbayaw sing espada batok sa pungsud, kag indi na sila magtoon sang inaway