Popular Bible Verses from MATEO 7

Share

“Pangayo, kag kamo hatagan; pangita, kag kamo makakita; panoktok, kag kamo pagabuksan.

Kay ang tagsatagsa nga nagapangayo nagabaton, kag ang nagapangita makakita, kag ang nagapanoktok pagabuksan.

“Busa ang tagsatagsa nga nagapamati sining mga polong ko kag nagatuman sa ila ipaangay sa tawong mainandamon nga nagtukud sang iya balay sa ibabaw sang igang

Busa ang tanan nga butang nga buut ninyo nga himoon sang mga tawo sa inyo, himoa man ninyo sa ila; kay amo ini ang kasogoan kag ang mga manalagna.

Kay makitid ang gawang kag masiput ang dalan, nga nagapadulong sa kabuhi, kag pila lamang ang nakatultul sa sini.

“Sulud kamo sa gawang nga makitid; kay masangkad ang gawang kag malapad ang dalan, nga nagapadulong sa kalaglagan, kag madamu ang mga nagasulud sa sini.

Niyan kon kamo, nga malaut, makahibalo maghatag sing maayo nga mga dolot sa inyo mga anak, daw ano pa gid nga maayo nga mga butang ang ihatag sang inyo Amay nga yara sa langit sa mga nagapangayo sa iya?

“Dili kamo maghukom, agud indi kamo paghukman. Kay sa paghukom nga inyo ginahukom hukman kamo, kag sa talaksan nga ginataksan ninyo takson kamo.

Kag ang tagsatagsa nga nagapamati sining mga polong ko kag wala nagatuman sa ila ipaangay sa tawong buangbuang nga nagtukud sang iya balay sa ibabaw sang balas

Ngaa bala ginamulalong mo ang puling nga yara sa mata sang imo utud, apang wala mo pagsapaka ang balayanon nga yara sa imo kaugalingon nga mata? Ukon paano bala ang pagsiling mo sa imo utud, ‘Ipakuha sa akon ang puling sa imo mata,’ nga may balayanon sa imo kaugalingon nga mata?

“Andam kamo sa mga dimatuud nga mga manalagna, nga nagaabut sa inyo nga nagapanaput sang panapton sang carnero apang sa sulud manunukub nga mga lobo. Sa ila mga bunga makilala ninyo sila. Ginatipon bala ang mga uvas gikan sa mga talongon, ukon ang mga higos sa mga ragiwriw?

Subong man, ang tagsa ka kahoy nga maayo nagapamunga sing maayo nga bunga, apang ang malain nga kahoy nagapamunga sing malain nga bunga.

Ang maayo nga kahoy indi makapamunga sing malain nga bunga, ukon ang malain nga kahoy sing maayo nga bunga.

Ang tagsa ka kahoy nga wala nagapamunga sing maayo nga bunga ginapulud kag ginadap-ung sa kalayo.