Popular Bible Verses from MATEO 5

Share

Wala man ang mga tawo nagasindi sing suga kag nagabutang sini sa idalum sang sulukban, kondi sa ibabaw sang tulungtungan, kag nagaiwag ini sa tanan nga yara sa balay. Sa amo nga bagay ig-iwag ninyo ang inyo kapawa sa atubangan sang mga tawo, agud nga makita nila ang inyo mga buhat nga maayo kag himayaon nila ang inyo Amay nga yara sa langit.

“Kamo ang suga sang kalibutan. Ang banwa nga nahamtang sa ibabaw sang bakolod indi sarang malipdan.

“Bulahan ang mga putli sing tagiposoon, kay sila makakita sa Dios.

“Bulahan ang mga ginagutum kag ginauhaw sang pagkamatarung, kay sila busgon.

Apang ako nagasiling sa inyo, Higugmaa ang inyo mga kaaway kag pangamuyo kamo tungud sa mga nagahingabut sa inyo

“Bulahan ang mga imol sa espiritu, kay ila ang ginharian sang langit.

“Bulahan ang mga makigdaiton, kay sila tawgon nga mga anak sang Dios.

“Bulahan ang mga nagakasakit, kay sila lipayon.

“Bulahan ang mga ginahingabut bangud sa pagkamatarung, kay ila ang ginharian sang langit.

“Bulahan ang mga maloloy-on, kay sila makaagum sing kalooy.

“Bulahan kamo kon ang mga tawo magpasipala sa inyo kag maghingabut sa inyo kag maghambal sang tanan nga bagay sang kalautan batok sa inyo sing dimatuud bangud sa akon. Magkalipay kamo kag magkasadya, kay ang inyo balus daku sa langit, kay amo man ang paghingabut nila sang mga manalagna nga nahauna sa inyo.

“Bulahan ang mga mapainubuson, kay sila magapanubli sang duta.

“Kamo ang asin sang duta; apang kon ang asin magtab-ang, ano bala ang pagpaasin sini? Wala na ini sing pulus kondi nga ipilak sa gowa kag tapakon sang mga tawo.

Busa, magpakahimpit kamo, subong nga himpit ang inyo langitnon nga Amay.

Kondi ang inyo pagpamolong mangin-amo ‘Hoo’ ukon ‘Indi’; kay ang bisan anong labi pa sini nagagikan sa malaut.

“Nabatian ninyo nga ginsiling, ‘Mata sa mata kag ngipon sa ngipon.’ Apang ako nagasiling sa inyo, Dili kamo magbatok sa malauton. Kondi kon ang bisan sin-o magtampa sa imo pisngi nga too, itaya man ang isa sa iya

Kon ang imo mata nga too nagapasandad sa imo, lukata ini kag ihaboy; kay maayo pa sa imo nga ang isa ka bahin sang imo lawas mawala sang sa ihaboy ang bug-os mong lawas sa infierno. Kag kon ang imo kamut nga too nagapasandad sa imo, utda ini, kag ihaboy; kay maayo pa sa imo nga ang isa ka bahin sang imo lawas mawala sang sa magkadto ang bug-os mong lawas sa infierno.