Popular Bible Verses from MGA PANALABITON 1

Share

Daw ano nga nagalingkod sing mamingaw ang banwa nga puno anay sang katawohan! Nanginbalo sia nga babayi, ang daku anay sa tunga sang mga pungsud! Sia nga princesa sa tunga sang mga puud nanginbumuluhis.

Nagahibi sia sing tama sa kagab-ihon, ang iya mga luha yara sa iya mga pisngi; sa tanan niya nga mga hinigugma wala gid sia sing magalipay sa iya; ang tanan niya nga abyan nagmaluibon sa iya, sila nangin-iya mga kaaway.

“Toloka, O GINOO, kay yari ako sa kalisdanan, ang akon tagiposoon nalisang, ang akon tagiposoon nagaliso sa sulud nakon, kay nagbato ako sing lakas. Sa gowa ang espada nagapapas; sa puluy-an may yara nga subong sang kamatayon.