Popular Bible Verses from JOSUE 10

Share

Kag ang adlaw nagpahimonong, kag ang bulan nagdolog, tubtub nga ang pungsud nakapanimalus sa ila mga kaaway. Wala bala masulat ini sa tolon-an ni Jaser? Ang adlaw nagdolog sa tunga sang langit, kag wala magdalidali sa pagtunud sing mga isa ka adlaw nga bug-os.

Niyan si Josue nagpamolong sa GINOO sang adlaw nga gintugyan sang GINOO ang mga Amornon sa atubangan sang mga tawo sang Israel; kag nagsiling sia sa itololok sang Israel, “Adlaw, pahimonong ka sa ibabaw sang Gabaon, kag ikaw Bulan sa nalupyakan sang Ayalon.”

Wala sing adlaw nga kaangay sadto nga una sini ukon olihi sini, nga ang GINOO nagpamati sa tingug sang isa ka tawo; kay ang GINOO nagpakig-away tungud sa Israel.

Kag ang GINOO nagsiling kay Josue, “Dili ka magkahadluk sa ila, kay natugyan ko sila sa imo mga kamut; wala sing bisan sin-o nga tawo sa ila nga makatindug sa atubangan mo.”

Kag si Josue nagsiling sa ila, “Dili magkahadluk ukon magkahangawa; magpakabakud kag magpakaisug; kay subong sini ang himoon sang GINOO sa tanan ninyo nga kaaway nga ginaaway ninyo.”