Popular Bible Verses from ISAIAS 9

Share

Kay sa aton natawo ang isa ka bata, sa aton ginhatag ang isa ka anak nga lalaki; kag ang pagbulut-an manginsa iya abaga, kag tawgon ang iya ngalan “Makatilingala nga Manuglaygay, Dios nga Gamhanan, Amay nga Nagapadayon, Principe sang Paghidait.”

Ang katawohan nga naglakat sa kadudulman nakakita sing daku nga kapawa; ang mga nagpuyo sa duta sang landong sang kamatayon, ang kapawa nagsilak sa ila.

Nahanungud sang pagdugang sang iya pagbulut-an kag sang paghidait walay katapusan, sa trono ni David, kag sa iya ginharian, sa pagpalig-on sini, sa pagtib-ong sini sa katarungan kag sa pagkamatarung kutub karon tubtub gid sa gihapon. Ang kakugi sang GINOO sang mga kasoldadosan magahimo sini.

Kay ang bug-os nga hinganib sang lupit nga tawo sa kagubut kag ang mga panapton nga gintubug sa dugo sonogon kag mangin-gatong sa kalayo.

Apang walay kadulum sa iya nga yara sa pagbakho. Sang unang tion ginpatamay niya ang duta sang Zabulon kag ang duta sang Neftali, apang sa olihing tion ginhimo niya ini nga mahimayaon sa dalanon sang dagat, sa tabok sang Jordan, Galilea sang mga pungsud.

Ginpadamu mo ang pungsud, gindugangan mo ang ila kalipay; nagakalipay sila sa atubangan mo sono sa kalipay sa ani, subong sang kasadya sang mga tawo kon magbahinbahin sila sang inagaw.

Kay ang gota sang iya lulan, kag ang sungkud sang iya abaga, ang bilogon sang iya manugpigus, ginbali mo subong sang sa adlaw sang Midian.