Popular Bible Verses from ISAIAS 62

Share

Indi ka na pagtawgon Binayaan, kag indi na pagtawgon ang imo duta Mamingaw; kondi tawgon ka Hefsi-ba, kag ang imo duta Beula; kay ang GINOO nagakalipay sa imo, kag ang imo duta kaslon.

Nagbutang ako sing mga manugbantay sa imo mga kuta, O Jerusalem; indi gid sila maghipus sa adlaw kag sa gab-i. Kamo nga mga manugpadumdum sa GINOO, dili kamo magpahuway, kag dili sia pagpapahuwaya tubtub nga mapatindug niya ang Jerusalem kag nga mahimo ini nga pagdayaw sa duta.

Ikaw man manginpurungpurung sang katahum sa kamut sang GINOO, kag diadema nga harianon sa kamut sang imo Dios.

Kay subong sang pamatan-on nga lalaki nga nagapangasawa sa ulay, sa amo ang imo mga anak nga lalaki magapangasawa sa imo, kag subong sang nobyo nga nagakalipay sa palangasaw-on, sa amo magakalipay sa imo ang imo Dios.