Popular Bible Verses from GENESIS 24

Share

Kag nagsiling sia, “O GINOO, ang Dios sang akon agalon nga si Abraham, ginaampo ko sa imo, hatagi ako sing kauswagan karon nga adlaw, kag pakitai sing malig-on nga paghigugma ang akon agalon nga si Abraham.

Pahanabu-a nga ang dalaga nga sa iya magsiling ako, ‘Ipapanaug ang imo tibud, ginaampo ko, agud nga mag-inum ako,’ kag sia magasiling, ‘Inum ka, kag paimnon ko man ang imo mga camelyo’—mangin-amo sia ang ginpat-ud mo nga sa imo alagad nga si Isaac. Sa sini makilala ko nga nagpakita ka sing malig-on nga paghigugma sa akon agalon.”

Niyan si Isaac nagdala sa iya sa layanglayang [sang iya iloy nga si Sara], kag ginkuha niya si Rebeca, kag nangin-asawa niya sia; kag ginhigugma niya sia. Gani si Isaac ginlipay sa tapus sang kamatayon sang iya iloy.

Kag ginpakamaayo nila si Rebeca, kag nagsiling sa iya, “Utud namon, mangin-iloy ka sang mga linibo sang mga linaksa; kag ang imo mga kaliwatan magtag-iya sang gawang sang mga nagadumut sa ila!”

kag pasumpaon ko ikaw tungud sa GINOO, ang Dios sang langit kag sang duta, nga dili mo pagpa-asaw-an ang akon anak gikan sa babayi nga mga anak sang mga Canaanhon, nga sa tunga nila nagapuyo ako, kondi magkadto ka sa akon duta kag sa akon kahimataan, kag magkuha sing asawa nga sa akon anak nga si Isaac.”