Popular Bible Verses from EXODO 10

Share

Niyan ang GINOO nagsiling kay Moises, “Kadtoi sa sulud si Faraon; kay ginpatig-a ko ang iya tagiposoon kag ang tagiposoon sang iya mga alagad, agud nga mapakita ko ining akon mga tanda sa tunga nila, kag agud nga masugid mo sa idulungug sang imo anak kag sa anak sang imo anak kon ano nga mga butang ang ginhimo ko sa mga Egiptohanon kag ano nga mga tanda ang nahimo ko sa tunga nila; agud nga kamo makahibalo nga Ako ang GINOO.”

Niyan ang GINOO nagsiling kay Moises, “Untaya ang imo kamut nayon sa langit agud nga may kadudulman sa ibabaw sang duta sang Egipto, isa ka pitipit nga kadudulman.” Gani gin-untay ni Moises ang iya kamut nayon sa langit, kag may pitipit nga kadudulman sa bug-os nga duta sang Egipto sing tatlo ka adlaw; indi sila makakita sa isa kag isa, kag wala sing nagtindug sa iya duug sa tatlo ka adlaw; apang ang tanan nga katawohan sang Israel may kapawa sa ila mga puluy-an.

Gani gin-untay ni Moises ang iya sungkud sa ibabaw sang duta sang Egipto, kag ang GINOO nagpahuyup sing salatan sa duta sa bug-os sadtong adlaw kag sa bug-os nga gab-i; kag sang pagkaaga ang salatan nagdala sang mga apan. Kag naglupad ang mga apan sa ibabaw sang bug-os nga duta sang Egipto, kag naghugpa sa bug-os nga duta sang Egipto, tama kadamu nga mga apan nga wala pa gid sing subong bisan sang una, ukon may subong pa sa olihi.