Popular Bible Verses from 2 MGA HARI 6

Share

Niyan nagpangamuyo si Eliseo, kag nagsiling, “O GINOO, ginaampo ko sa imo, buksi ang iya mga mata agud nga makakita sia.” Gani ginbuksan sang GINOO ang mga mata sang pamatan-on nga lalaki, kag nakakita sia; kag yari karon, ang bukid hil-ob sang mga kabayo kag sang mga kangga nga kalayo sa palibut ni Eliseo.

Sia nagsabat, “Dili ka magkahadluk, kay ang mga nagaupud sa aton madamu pa sa mga nagaupud sa ila.”

Sang nagbangon sing aga pa ang alagad sang tawo sang Dios kag naggowa, yari karon, ang kasoldadosan nga may mga kabayo kag mga kangga naglikup sa banwa. Kag ang iya alagad nagsiling sa iya, “Abaw, agalon ko! Ano bala ang himoon ta?”

Kag sang nagdulhog ang mga Sirianhon sa iya, nagpangamuyo si Eliseo sa GINOO, kag nagsiling, “Ginaampo ko sa imo, sakita ining katawohan sa pagkabulag.” Gani ginsakit niya sila sa pagkabulag sono sa polong ni Eliseo.

Niyan ang tawo sang Dios nagsiling, “Diin bala maholog yadto?” Sang sia nagtudlo sa iya sang duug, nag-utud si Eliseo sing lipak, kag ginhaboy ini didto, kag ginpalutaw ang salsalon.

Apang sang nagapulud ang isa sing balayanon, ang olo sang wasay naholog sa tubig; kag nagsinggit sia, “Abaw, agalon ko! Hinulaman yadto.”

Kag nagsiling sia, “Kab-uta ina sa imo.” Gani gin-untay niya ang iya kamut kag ginkuha ini.