Popular Bible Verses from 1 SAMUEL 17

Share

Niyan si David nagsiling sa Filistinhon, “Ikaw nagakari sa akon nga may espada kag may bangkaw kag may sumbiling; apang ako nagakara sa imo sa ngalan sang GINOO sang mga kasoldadosan, ang Dios sang mga hangaway sang Israel, nga imo ginhangkat.

kag nga ining bug-os nga katilingban magkilala nga ang GINOO wala nagaluwas sa espada kag sa bangkaw; kay ang inaway iya sang GINOO, kag ihatag ka niya sa amon kamut.”

Kag si David nagsiling, “Ang GINOO nga nagluwas sa akon gikan sa kamomoo sang leon kag sa kamomoo sang oso, sia magaluwas sa akon gikan sa kamut sining Filistinhon.” Kag si Saul nagsiling kay David, “Lakat ka, kag ang GINOO mag-upud sa imo!”

Sining adlaw ang GINOO magatugyan sa imo sa akon kamut, kag ako magalaglag sa imo, kag magapunggol sang imo olo; kag ihatag ko sining adlaw ang mga bangkay sang kasoldadosan sang mga Filistinhon sa kapispisan sang kalangitan kag sa talonon nga kasapatan sang duta; agud nga ang bug-os nga duta magkilala nga may Dios sa Israel

Niyan gindala niya ang iya sungkud sa iya kamut, kag nagpili sia sing lima ka bato nga matibonog gikan sa sapa, kag ginsulud sila sa iya balonan, sa iya puyo; ang iya labyug yara sa iya kamut, kag nagpalapit sia sa Filistinhon.

Kag si David nagsiling kay Saul, “Wala sing tawo nga magmatalaw ang tagiposoon bangud sa iya; ang imo alagad magakadto kag magapakig-away sa sining Filistinhon.”