Popular Bible Verses from Marcos 7

Share

Kay halin sa sulod sang tagipusoon sang tawo nagagikan ang malaut nga mga handom nga amo ang nagatulod sa iya sa paghimo sang mga imoralidad, pagpangawat, pagpatay, pagpanginbabayi ukon pagpanginlalaki, pagkaibog, pagbuhat sang tanan nga sahi sang malaut nga mga butang, pagdaya, pagbinastos, paghisa, pagpasipala, pagpabugal, kag pagbinuang. Ini tanan nga kalautan nagahalin sa sulod sang tawo kag amo ang nagadagta sa iya.”

Wala sing butang nga nagasulod sa tawo nga makadagta sa iya, kundi ang nagagwa sa iya.

Ginsabat sila ni Jesus, “Wala gid magsala si Isaias sang iya pagtagna nahanungod sa inyo! Mga hipokrito kamo subong sang iya ginsulat: ‘Ang Dios nagasiling, ginapasidunggan ako sining mga tawo sang ila mga bibig, pero ang ila tagipusoon malayo gid sa akon.

Wala pulos ang ila pagsimba sa akon, kay ginatudlo nila ang mga kasugoan sang tawo subong nga sila akon mga kasugoan!”

“Ginasikway ninyo ang kasugoan sang Dios kag ginatuman ninyo ang mga pagtulon-an sang mga tawo.”