Popular Bible Verses from Marcos 6

Share

Sa pagkadamo sang mga tawo ang nagapakadto kag nagapakari sa bagay nga si Jesus kag ang iya mga gintuton-an wala na sing tion bisan sa pagkaon. Gani nagsiling sia sa ila, “Dali masaylo kita sa isa ka lugar nga kitahanon lang agod makapahuwayhuway kamo.”

Si Jesus nagsiling sa ila, “Ang isa ka propeta ginatahod bisan diin luas lang sa iya ginaestaran nga banwa kag sa iya mga pariente kag panimalay.”

Sang pagtakas ni Jesus, nakita niya ang masyado kadamo nga mga tawo kag nagbatyag sia sing kaluoy sa ila tungod kay subong sila sang mga karnero nga wala sing manugbantay. Kag gintudloan niya sila sang madamo nga mga butang.

Wala sia didto makahimo sang mga milagro luas lang sa pag-ayo sang pila ka mga masakiton paagi sa pagtandog sa ila. Natingala gid sia tungod kay wala sila sing pagtuo sa iya. Dayon nagkadto si Jesus sa palibot nga mga barangay nga nagapanudlo sa mga tawo.

Dayon ginkuha ni Jesus ang lima ka bilog nga tinapay kag ang duha ka bilog nga isda, nagtangla sia sa langit, kag nagpasalamat sa Dios. Iya ginpamihakpihak ang tinapay kag ginhatag sa iya mga gintuton-an agod nga ila ipanagtag sa mga tawo. Iya man ginpartiparti ang duha ka bilog nga isda sa ila tanan. Nagkaon sila tanan kag nagkalabusog. Dayon gintipon sang mga gintuton-an ang nagkalabilin nga tinapay kag isda kag napuno ang dose ka mga alat.