Popular Bible Verses from Mateo 21

Share

Kon nagatuo kamo, mabaton ninyo ang bisan ano nga pangayuon ninyo sa pangamuyo.”

Nagsabat si Jesus, “Dumdoma ninyo ini! Kon nagatuo kamo kag wala nagapangduhaduha, mahimo ninyo ang akon nahimo sa sining kahoy nga higera, kag indi lamang ina, kundi makasiling pa kamo sa sini nga bukid, ‘Halin ka diri kag maglukso sa dagat,’ kag mahimo ina.

Ang mga tawo nga nagalakat una kay Jesus kag ang mga nagasunod sa iya nagsagad singgit, “Dayawon ang Anak ni David! Ang Dios magbendisyon sa iya nga nagaabot sa ngalan sang Ginoo! Dayawon ang Dios!”

Ginsingganan niya sila, “Nasulat sa mga Kasulatan nga ang Dios nagsiling, ‘Ang akon Templo pagatawgon nga balay nga palangamuyoan.’ Pero inyo ginahimo ini nga palanaguan sang mga makawat!”

“Sugiri ninyo ang siudad sang Sion: lantawa, ang imo hari magaabot sa imo! Mapainuboson sia kag nagasakay sa asna, kag sa polyino nga tinday sang asna.”

Si Jesus nagsiling sa ila, “Wala bala ninyo mabasahi ang ginasiling sang mga Kasulatan? ‘Ang bato nga ginsikway sang mga manunokod nanginpamakod nga bato. Ang Ginoo amo ang naghimo sini, daw ano ini ka makatilingala!’

Gani nagasiling ako sa inyo: indi na maghari ang Dios sa inyo, kundi magahari sia sa mga tawo nga magahimo sang iya ginapaabot.”