Popular Bible Verses from Juan 1

Share

Pero may yara gid man nga nagbaton sa iya kag nagtuo sa iya ngalan. Gani ginhatagan niya sila sing kinamatarong nga mangin-anak sang Dios.

Sa wala pa matuga ang kalibutan, yara na ang Pulong. Ang Pulong kaupod sa Dios, kag ang Pulong Dios.

Ang kapawa nagasiga sa kadudulman, kag ang kadudulman wala makadaog sang kapawa.

Ang Pulong nangintawo kag nagkabuhi sa tunga namon. Nakita namon ang iya pagkagamhanan nga puno sang paghigugma kag kamatuoran; ini amo ang kagamhanan nga nabaton niya subong bugtong nga Anak sang Amay.

Paagi sa Pulong gintuga sang Dios ang tanan nga mga butang, kag wala sing may natuga kon indi paagi sa iya. Ang Pulong amo ang ginhalinan sang kabuhi, kag ini nga kabuhi nagdala sing kapawa sa mga tawo.

Sang madason nga adlaw, nakita ni Juan si Jesus nga nagapadulong sa iya kag nagsiling sia, “Yari ang Kordero sang Dios nga nagakuha sang sala sang kalibutan!

Ang Pulong yara na nga daan sa kalibutan. Ang kalibutan gintuga sang Dios paagi sa iya, pero ang mga tawo sa kalibutan wala magkilala sa iya. Nag-abot sia sa iya kaugalingon nga banwa, pero ang iya mga kasimanwa wala magbaton sa iya.

Ini amo ang matuod nga kapawa—ang kapawa nga nagaabot sa kalibutan kag nagaiwag sa tanan nga mga tawo.

Ang Kasugoan ginhatag sang Dios paagi kay Moises, pero ang gugma kag kamatuoran nag-abot sa aton paagi kay Jesu-Cristo.