Popular Bible Verses from Lucas 8

Share

Apan ang mga binhi nga nahulog sa maayong yuta mao kadtong nakadungog sa mensahe ug kinasingkasing nga midawat ug mituman niini ug mapailubong nagpadayon hangtod nga namunga sila.

Ang mga binhi nga nahulog dapit sa mga tunokong sagbot mao kadtong namati sa pulong sa Dios. Apan ang mga kabalaka ug mga bahandi ingon man ang mga kahilayan niining kinabuhia mituok kanila ug tungod niini ang ilang mga bunga piyasot.

Ang mga binhi nga nahulog sa yutang batoon mao kadtong nakadungog sa mensahe ug malipayong midawat niini. Apan wala kini makagamot. Mituo lamang sila sa makadiyot ug unya namiya sa panahon sa pagsulay.

Ug miingon siya sa mga tinun-an, “Hain na ba ang inyong pagsalig?” Apan natingala sila ug nalisang ug nag-ingnanay, “Kinsa ba kining tawhana? Gipahunong niya ang hangin ug ang mga balod ug mihunong sila!”

Ang mga binhi nga nahulog sa agianan mao kadtong mga tawo nga nakadungog sa pulong sa Dios. Apan mitungha ang Yawa ug misakmit niini gikan sa ilang kasingkasing aron dili sila motuo ug maluwas.

“Kay ang tanan nga gitagoan makit-an ug ang tanan nga gililong mabutyag.

Sa dihang nakita sa babaye nga nahibaw-an siya, miduol siya nga nagkurog ug mihapa sa tiilan ni Jesus. Ug sa atubangan sa tanan, gisugilon niya kang Jesus nganong mihikap siya kaniya ug nga dihadiha naayo siya. Unya misulti si Jesus kaniya, “Anak, ang imong pagsalig nag-ayo kanimo. Pauli nga malinawon.”

Unya nanuol ang mga tinun-an kang Jesus ug ilang gipukaw nga nag-ingon, “Magtutudlo, Magtutudlo, hapit na kita malunod!” Mibangon si Jesus ug gipahunong niya ang kusog nga hangin ug ang dagkong mga balod. Milurang kini ug mibanos ang kalinaw.