Popular Bible Verses from Lucas 7

Share

Busa sultihan ko ikaw nga ang daghan niyang mga sala gipasaylo. Tungod niini, dako ang gugma nga iyang gipakita. Apan kinsa kadtong gipasaylo sa diyutay lamang nga mga sala nagpakita ug diyutay usab nga paghigugma.” Unya giingnan ni Jesus ang babaye, “Gipasaylo na ang imong mga sala.”

Apan miingon si Jesus sa babaye, “Ang imong pagtuo nagluwas kanimo. Pauli nga malinawon.”

Samtang diha siya sa luyo sa tiilan ni Jesus, mihilak siya ug nahumod sa iyang mga luha ang mga tiil ni Jesus. Unya gipahiran niya sa iyang buhok ang mga tiil ni Jesus ug gihagkan ug gibuboan sa pahumot.

Ug mao man gani hinungdan nga wala gyod ko mangahas sa pagduol kanimo. Isulti lamang nga mamaayo ang akong sulugoon ug mamaayo siya. Ilalom usab ako sa gahom sa labawng mga opisyal ug aduna akoy mga sundalo nga ubos sa akong pagmando. Kon sugoon ko ang usa ka sundalo sa pag-adto didto, moadto siya. Kon sugoon ko ang laing sundalo sa pagduol kanako, moduol siya. Ug kon sugoon ko ang akong ulipon sa pagbuhat niini, mobuhat siya.” Nahibulong si Jesus sa iyang pagkadungog niini. Unya miatubang siya sa mga tawo nga mikuyog kaniya ug miingon, “Wala pa gayod ako makakaplag ug pagtuo nga sama niini bisan gani sa Israel!”

Niadto gayong higayona nag-ayo si Jesus sa daghang mga tawo sa ilang mga balatian ug mga sakit. Nag-ayo usab siya sa mga giyawaan ug naghatag ug panan-aw sa mga buta. Unya gitubag niya ang mga sinugo ni Juan, “Pauli kamo ug suginli si Juan sa inyong nakita ug nadungog. Ang mga buta nakakita, ang mga bakol nakalakaw, ang mga sanlahon nahinlo na, ang mga bungol nakadungog, ang mga minatay nabuhi ug ang Maayong Balita giwali ngadto sa mga kabos.