Popular Bible Verses from MGA PANULTIHON 16

Share

Itugyan ang imong mga buhat ngadto sa GINOO, ug ang imong mga laraw malig-on.

Ang kasingkasing sa tawo maglaraw sa iyang pamaagi, apan ang GINOO magmando sa iyang mga lakang.

Ang makalipay nga mga pulong sama sa dugos, tam-is alang sa kalag ug makapalig-on sa mga bukog.

Ang mga laraw sa kasingkasing iya sa tawo, apan ang tubag sa dila gikan sa GINOO.

Siya nga hinay sa pagkasuko maayo pa kay sa tawong gamhanan, ug ang naggahom sa iyang espiritu kay sa nakailog ug usa ka siyudad.

Ang garbo mag-una sa pagkalaglag, ug ang mapahitas-ong espiritu sa dili pa ang pagkapukan.

Ang tanang mga pamaagi sa tawo putli diha sa iyang kaugalingong mga mata, apan ang GINOO nagtimbang sa espiritu.

Kadtong nagtamod sa pulong mouswag, ug bulahan siya nga nagsalig sa GINOO.

Maayo pa ang diyotay nga pinaagi sa pagkamatarong, kay sa mga dagkong abot nga pinaagi sa dili matarong.

Adunay usa ka dalan nga daw matarong alang sa tawo, apan ang kataposan niini mao ang mga dalan sa kamatayon.

Ang tawo nga masukihon nagsabwag ug panagbingkil, ug ang usa ka tighunghong nagpabulag sa suod nga managhigala.