Popular Bible Verses from MGA PANULTIHON 15

Share

Ang tubag nga malumo makapahupay sa kasuko, apan ang pulong nga hait makapahagit sa kasuko.

Ang pagkahadlok sa GINOO maoy pahimangno diha sa kaalam, ug ang pagkamapaubsanon mag-una sa kadungganan.

Ang dila nga malumo usa ka kahoy sa kinabuhi, apan ang pagkasukwahi niini magbungkag sa espiritu.

Kon walay pagtambag ang mga plano makawang, apan diha sa daghang mga magtatambag kini molampos.

Ang malipayong kasingkasing nagpadayag ug malipayon nga panagway, apan tungod sa kasubo sa kasingkasing ang espiritu maluya.

Ang mga mata sa GINOO anaa sa tanang dapit, nagbantay sa daotan ug sa maayo.

Maayo pa ang diyotay nga may pagkahadlok sa GINOO, kay sa dakong bahandi nga inubanan sa kasamok

Ang usa ka tawo nga masuk-anon naghagit ug panag-away, apan siya nga hinay sa pagkasuko nagpahilom sa panagbingkil.

Ang kasingkasing sa matarong naghunahuna kon unsay angay nga itubag, apan ang baba sa daotan nagbubo sa mga daotang butang.