Popular Bible Verses from MATEO 15

Share

Apan ang mogula sa baba naggikan sa kasingkasing, ug mao kini ang makapahugaw sa tawo. Kay gikan sa kasingkasing mogula ang mga daotang hunahuna, pagpatay, panapaw, salawayong pakighilawas, pangawat, pagsaksi ug bakak, pagpasipala.

dili ang mosulod sa baba mao ang makapahugaw sa tawo, kondili ang mogula gikan sa baba mao ang makapahugaw sa tawo.”

‘Kining mga tawhana nagpasidungog kanako pinaagi sa ilang mga ngabil, apan ang ilang kasingkasing layo kanako. Kawang lamang ang ilang pagsimba kanako kay ilang gitudlo ingon nga doktrina ang mga lagda sa tawo.’ ”

Unya si Jesus mitubag kaniya nga nag-ingon, “O babaye, pagkadako sa imong pagtuo! Matuman alang kanimo ang imong gitinguha.” Ug dihadiha naayo ang iyang anak nga babaye.

Apan ang babaye miduol ug miluhod sa atubangan ni Jesus ug miingon, “Ginoo, tabangi intawon ako.” Kaniya mitubag si Jesus nga nag-ingon, “Dili maayo nga kuhaon ang pan nga alang sa mga anak ug iitsa ngadto sa mga iro.” Siya miingon, “Tinuod kana, Ginoo, apan bisan gani ang mga iro magkaon man sa mga mumho nga matagak gikan sa lamisa sa ilang mga agalon.”