Popular Bible Verses from LUCAS 9

Share

Ug siya miingon sa tanan, “Kon adunay buot nga mosunod kanako, kinahanglang magdumili siya sa iyang kaugalingon ug magpas-an sa iyang krus matag adlaw ug mosunod kanako.

Kay si bisan kinsa nga buot magluwas sa iyang kinabuhi mawad-an hinuon niini, ug si bisan kinsa nga mawad-an sa iyang kinabuhi tungod kanako, magluwas niini.

Si Jesus miingon kaniya, “Walay tawo nga magkupot sa daro ug molingi sa mga butang nga anaa sa luyo nga angayan sa gingharian sa Dios.”

Kay unsa bay makuha sa tawo kon maangkon niya ang tibuok kalibotan ug malaglag o mapildi ang iyang kaugalingon?

Kay si bisan kinsa nga maulaw tungod kanako ug sa akong mga pulong, ikaulaw sa Anak sa Tawo inig-abot niya diha sa iyang himaya ug sa himaya sa Amahan ug sa mga balaang anghel.

Si Jesus mitubag kaniya, “Ang mga milo adunay lungag nga katagoan, ug ang mga langgam sa kalangitan adunay salag, apan ang Anak sa Tawo walay dapit nga kahigdaan sa iyang ulo.”

Ug miingon siya kanila, “Si bisan kinsa nga nagdawat niining bata tungod sa akong ngalan nagdawat kanako, ug si bisan kinsa nga nagdawat kanako, nagdawat kaniya nga nagpadala kanako; kay ang labing ubos kaninyong tanan mao ang labing dako.”