Popular Bible Verses from ECCLESIASTES 8

Share

Ug akong gidayeg ang pagkalipay, tungod kay walay maayo alang sa tawo gawas sa pagkaon ug sa pag-inom ug sa paglipay, tungod kay kini magpabilin kaniya sa iyang paghago diha sa tanang mga adlaw sa iyang kinabuhi nga gihatag sa Dios kaniya ilalom sa adlaw.

Bisan pa ug ang makasasala nagbuhat ug daotan sa makagatos ug nagpalugway sa iyang kinabuhi, apan sa pagkatinuod ako nasayod nga may kaayohan alang niadtong may kahadlok sa Dios, kay sila nahadlok sa iyang atubangan

Kay ang matag butang adunay iyang panahon ug pamaagi, bisan ug ang kasakit sa tawo bug-at ra kaayo diha kaniya.

Walay tawo nga may gahom sa pagpugong sa espiritu o may gahom sa pagbuot sa adlaw sa kamatayon; walay pagsibog sa gubat, o ang kadaotan dili usab magluwas niadtong gitugyan ngadto niini.

Tungod kay ang silot batok sa daotan nga buhat wala man himoa dayon, ang kasingkasing sa mga anak sa mga tawo hingpit nga nahiluna sa pagbuhat ug daotan.

Adunay kakawangan nga nahitabo sa ibabaw sa yuta, nga adunay matarong nga mga tawo nga mahitaboan sumala sa mga buhat sa daotan, ug adunay daotan nga mga tawo nga mahitaboan sumala sa mga buhat sa matarong. Ako miingon nga kini usab kakawangan.

Kay wala siya masayod unsay mahitabo, kay kinsa ba ang makasulti kaniya kon unsa kini unya?