Popular Bible Verses from ECCLESIASTES 7

Share

Ayaw kasuko dayon, kay ang kasuko nagpuyo diha sa sabakan sa mga buangbuang.

Sa adlaw sa kauswagan pagmalipayon, ug sa adlaw sa kasakit, pamalandong; ang Dios nagbuhat sa usa ingon man sa usa, aron nga ang tawo dili makakaplag sa bisan unsa nga mosunod kaniya.

Labawng maayo ang kataposan sa usa ka butang kay sa sinugdan niini; ug ang mapailobon diha sa espiritu maayo pa kay sa mapahitas-on diha sa espiritu.

Wala gayoy tawo nga matarong ibabaw sa yuta nga nagbuhat ug maayo ug wala magpakasala.

Kay ang panalipod sa kaalam sama sa panalipod sa salapi; ug ang kaayohan sa kahibalo mao nga ang kaalam manalipod niadtong naghupot niini.

Ang maayo nga ngalan maayo pa kay sa bililhon nga lana; ug ang adlaw sa pagkamatay kay sa adlaw sa pagkatawo.

Labawng maayo alang sa tawo ang pagpamati sa pagsaway sa maalamon, kay sa pagpamati sa awit sa mga buangbuang.

Labawng maayo ang pag-adto sa balay sa kasub-anan, kay sa pag-adto sa balay sa nagkombira; kay kini mao ang kataposan sa tanang mga tawo ug ang buhi magtipig niini sa iyang kasingkasing.

Ang kasingkasing sa maalamon anaa sa balay sa kasub-anan; apan ang kasingkasing sa mga buangbuang anaa sa balay sa kalipayan.