Popular Bible Verses from 1 SAMUEL 17

Share

Unya si David miingon sa Filistihanon, “Ikaw mianhi kanako uban ang espada, bangkaw ug sapang, apan ako mianhi kanimo sa ngalan sa GINOO sa mga panon, ang Dios sa kasundalohan sa Israel, nga imong gihagit.

ug aron nga kining tibuok katilingban mahibalo nga ang GINOO magluwas dili pinaagi sa espada ug bangkaw, kay ang gubat iya sa GINOO, ug siya maghatag kanimo nganhi sa among kamot.”

Ug si David miingon, “Ang GINOO nga nagluwas kanako gikan sa tiil sa liyon ug gikan sa tiil sa oso, siya magluwas kanako gikan sa kamot niining Filistihanon.” Ug si Saul miingon kang David, “Lakaw, ug ang GINOO mag-uban kanimo!”

Niining adlawa ang GINOO magtugyan kanimo nganhi sa akong kamot, ug ako magbunal ug maglunggo sa imong ulo gikan kanimo, ug ihatag nako ang mga patay nga lawas sa panon sa mga Filistihanon niining adlawa ngadto sa mga langgam sa kalangitan ug sa mga ihalas nga mananap sa yuta, aron nga ang tibuok yuta mahibalo nga adunay Dios sa Israel

Unya gibitbit niya ang iyang sungkod, ug nagpili siya ug lima ka hamis nga bato gikan sa sapa, ug gibutang kini sa bag, sa sudlanan sa salapi sa tigbantay sa karnero nga diha kaniya, ug ang iyang lambuyog diha sa iyang kamot, ug nagpaduol sa Filistihanon.

Ug si David miingon kang Saul, “Wala untay kasingkasing nga maluya tungod kaniya. Ang imong sulugoon moadto ug makig-away batok niining Filistihanon.”