Popular Bible Verses from Luka 8

Share

To kodhi m'opodho i lowo ma diwa, meno a joma, munyo jotieko winjo wac, jomako maber i cuny jo, aka jonyak maber ro diyo cuny jo.”

Aka kodhi m'opodho i kudhin, meno a joma jowinjo, to rumacen rembo kodi ŋaŋo ma piny kodi kisangala ma kwo diyo jo piny, aka gima jonyak kitegino.

Kodhi m'opodho wi tele kama lowo rep'iye, meno a joma jowinjo wac gi kisangala, to wac kirwaki tiende i cuny jo; joyeyo nyaka ma hongo manok, to jopodho ka karatem obino.

Aka owaco rijo ni, “Nikune yeyo mewin?” Aka jodhier to lworo mako jo, to jowaco wegi kendi gin ni, “Me ŋa ma oro kiri koyo gi pi je to jowinjo go?”

Kodhi m'opodho i dier royo, meno a joma jowinjo, to jwogi bino to kwanyo woko wac i cuny jo, ŋey jokiri jowoyey to joboth.

Kole ongoye gim'opanere ma k'othangi kamaler, kosa gima nyaliŋliŋ ma k'oŋeyere kamaler.”

Munyo dheno oneno ni onwaŋ go, obino gi kirin, opodho piny dho ka tiendi Yesu, to tito ruwaŋ ji je gim'omiyo ogeyo Yesu, kendo paka olimo both gi kenyo no won. Yesu owaco rigo ni, “Nyaran, yeyo perin obothin, kadhi i siem.”

Gikenyo jofonjirok jokidho to jocewo Yesu munyo jowaco ni, “Jafonji, Jafonji, watho!” Yesu ocew to ay malo, to oro koyo kodi pi ma tula kwe; gimoro je oliŋ to piny kwe.