Popular Bible Verses from Mariko 13

Share

Babaandu balibabiiyila inywe khulwekhuba muli bafukiilisi baase. Ne umuundu yeesi ulinyindalila khukhwolisa intsakamo n'ilyoola, aliwonesebwa.”

Ni nashiryo, ni mwiliinde nga mwirekekha bulayi nalundi nga muloomba, khulwekhuba si mumanya imbuka iyo iliba liina ta.

Ne ni babawamba babayila esi babakhala kimisaango, mukheyembelela bushiili muri kane khulome khurishiina ta. Ne ni mulome isho shoosi shishiiba shabawebwile mu nyaanga iyo, khulwekhuba Umwoyo Umukhosefu aliba niye ulikhukanikha, ne akhuba inywe ta.

Likulu ni shiibala byoosi bikhawewo, ne bilomo byase sibikhawewo na khafwiiti ta.”

Yezu weloosela waloma ari, “Imbaawo uyo yeesi umanya bye shifukhu namwe inyaanga yeesi bino bilikholikhilamo ta. Akhaba bamalayika be mwikulu, namwe Umwaana uwa Wele naye s'amanya imbuka ta, akhali Wele umwene yenyene.

Ne ni muwulila bari busoolo bwakwilewo, namwe bari busoolo bukana khukwawo, mukhaba ni khukhwiyembelela ta. Khulwekhuba bibiindu bino bili ni khunyoowa bikholekhe, ne intsakamo iba ishiili khukhwoola ta.

Ni musaambo niyo indweela, nanywe ni mube berekefu, khulwekhuba si mumanya imbuka yeesi umwene uwe mu ntsu alikobola ta. Anyala wakobola angoloobe, namwe mu shilo akari, namwe nga tsingokho tsikholookha, namwe kumutikhinyi nga antsye bwasheele. Abe akhabatundubikha busa, akhabanyoola nga mukona liilo ta. Sheesi imbalomela inywe, inomela ni babaandu boosi: Ni mwirekekhe!”

Khulwekhuba buli linaambo lilisoolanisa linaambo lyashe, ni buyiinga nabwo bulisoolanisa buyiinga bwashabwe; ilibawo khuteengasibwa khwe shiibala mu bifwo bikali; ilibawo intsala ingali. Ne bino byoosi bili busa khunanikha khwe kumutaambo.

Nga bino bishiili khubawo ta, Kamakhuuwa Kamalayi kaakha khunyoowa khuboolelwa isi kamanaambo koosi.

Ilibawo bakali babaaliitsa mu lisiina lyase, nga baloma bari, ‘Ise niye Kristu,’ ni ilala balikooranisa babaandu bakali.

“Ne muli ni khukhwiliinda mwabeene. Khulwekhuba bakhabawambe inywe babayile isi tsikhobo tsikhulu khubakhalila kimisaango; nalundi balibakhupila tsikhoba nga muli mu ntsu iye khukhwisaayilamo. Khulwekhubeela lisiina lyase, balibayila isi ba gafana ni bayiinga, khubawotsesa ni khukhwokesanisa khufukiilila khwenywe isi nibo.

Khulwekhuba ba Kristu be bubeeyi ni baŋoosi be bubeeyi baliwulukha, bakhole bye kamakaanga ni bibiyaangisa, nio bakosaase babaandu. Abe shinyalikha khali bakosaasile ni barobole ba Wele.

Yezu weloosela waloma ari, “Mu bifukhu byeene ibyo, lwanyuma lwe kumutaambo ukwo, inyaanga ilikyela imali, ni kumweesi sikuliwa buwaanga ta. Tsinieniesi tsilikwa asi khukhwaama mu ngaaki, ni kamaani ke mu ngaaki kalitengasibwa.