Popular Bible Verses from Luka 7

Share

Ni nashiryo ikhuboolela ndi, lwe khuukana khweewe khukali, bibyoonako byeewe bikali byamwiyakhiilwe. Ni nooyo uwiyakhilwa khakyeekhe, khuukana khweewe nakhwo khuba khukyeekhe.” Ulwo Yesu waloma umukhasi ari, “Weyakhiilwe bibyoonako byoowo.”

Yesu waloma umukhasi ari, “Khufukiilila khwoowo khwakhuwonesele, n'utsye mu lukoosi.”

waamayo wiimikha imukoongo wa Yesu, aambi ni bikyele byeewe, nga alila. Waaronyesa kamasika keewe khu bikyele bya Yesu. Aryo waarakikha khuubikhuyakakho ni litsuune lyeewe, waakwa khu bikyele byeewe, waabihakhakho bifura tsana bibiwunya bulayi.

namwe nase samweene sinambaasa nga nakhila khukhwiitsa is'uli ta. Ne loma bulomi ilomo, n'umukulwa wase kane awone. Ni nase samweene ndi umuundu uwulibwa, luundi nase ndi ni basilikhale beesi imbila aasi aase. Ne ni noma mutweela ndi, ‘Tsya,’ atsya. Ne ni nomela ukuundi ndi, ‘Yiitsa,’ etsa. Ni noma umukulwa wase ndi, ‘Khola shino,’ ashikhola.” Yesu n'awulila bilomo bino, wamwiyaanga naabi, ne nga washukhiile lituuli lye babaandu babamuloondelela, waabaloma ari, “Abeele ishiili khubonakho khufukiilila nga khuno ta, akhaba ni mu Isiraeli ta!”

Ni mu mbuka nyeneyo, Yesu waawonesa babaandu babaaba balwaale, ni butsiina, ni kimisaambwa kimibi, naluundi waabimbula baabofu tsimoni tsaabwe. Aryo kila elamo baarume ba Yokana Umubatisa ari, “Ni mwiileyo muboolele Yokana bibiindu byoosi byeesi muboone luundi byeesi muwuliile: baabofu babona, babaalemala bakyeenda, abo babaali ni bulwaale bwe bikeenge bawonesebwa, bamiinyi bekukha mu maru bawulila, baafu balamusibwa, ni Kamakhuuwa Kamalayi ari kaboolelwa isi bataambi.