Popular Bible Verses from Luk 6

Share

Mugabenga, nammwe lwe muligabirwa; ekipimo ekituufu, ekikkaatiriziddwa, ne kisuukundwa, ne kibooga, balikibayiwa mu kikondoolo. Kubanga ekipimo kye mugera, nammwe kye kiribagererwa.”

Omuntu omulungi ku birungi by'aterese mu mutima gwe kw'aggya ebirungi; n'omuntu omubi ku bibi by'aterese kw'aggya ebibi; anti ku bijjudde mu mutima akamwa ke kwe kaggya bye koogera.

Naye mmwe mwagalenga ababakyaye; mukolerenga bulungi; muwolenga nga temulina kye musuubirayo, olwo empeera yammwe eriba nnene; mulibeera baana b'Oli Ali Waggulu Ddala, kubanga agirira ekisa entasiima n'ababi.

Mubeerenga ba kisa nga Kitammwe bw'ali ow'ekisa.

“Temulamulanga, nammwe lwe mutaliramulibwa. Temusaliranga bantu misango, nammwe lwe gitalibasalirwa kubasinga. Musonyiwenga, nammwe lwe munaasonyiyibwanga.

“Naye nze mbagamba mmwe abawuliriza: Mwagalenga abalabe bammwe; mukolerenga bulungi ababakyaye. Mwagalizenga bulungi ababavumirira; musabirenga ababavuma.

Nga bwe mwagalanga abantu babakolere, nammwe bwe mubanga mubakolera.

Oli akukubanga ku ttama erimu, mukyusize n'eddala; n'oli atwalanga omunagiro gwo, mulekere n'ekkanzu. Buli akusabanga, omuwanga; n'oli akututteko ebibyo, tobimusabanga.

“Anti tewali muti mulungi gubala bibala bibi; oba omuti omubi ogubala ebibala ebirungi.

Buli muti nno gutegeererwa ku bibala byagwo. Kubanga entontogolo z'omukunyu tezinogebwa ku maggwa; n'emizabbibu teginogebwa ku kirobo.