Popular Bible Verses from Mâk 13

Share

Nâ ghɨt à jɨ̀m bè bânàlò ghàn kə kum mu biyani ma à wunhi nâbi nde hi tàn a gokhi, ma wù bê bon.”

Ghàn hi tôknè fê gbûtè beka ghàn khə wi yu we gha ghɨ̂n bè gânà atɨ̂n.

Ghɨ kwo ghàn hì yênà nì ghàn wù lùk wu sù saku, kə ghàn hi kana nâ ghàn nè yê jîsà na ghə agha. Ghàn yên, ghàn jis kə gha ye yi fwo na ghàn jis kə yu mefû beka à bè hì jîsà wijə ghàn, à bè hì jîsà a Yohnà Yulena.

Nyə bè chyâlàlò ma chyə bê chya, biyani ma gha yile bê tè kwunâ atɨ̂n à gha afâ mu jìsa.

“Nâ wùt wù mòk khə wi tuk we makə yu we gha ghɨ̂n bè gânà atɨ̂n. Nâbi anjèlsù Fùyènsu a nyə̂ khə wi, nâbi Wâ Wùt khə wi, a bu kə Bì.

Ghàn bê ki yû na ghɨ tuma a tu woŋ hadà fî yu na tu letu bakhe bênàlò kə ghàn fan beka gha ghɨ̂n kətalò hi gàn, biyani gokhini baha mô hi bèn.

Ghàn hi mô gbûtè beka ghàn khə wi nâ bè ndâ nè bênà wu yu kolô ma, a ntên ntuksu ma, ma wù nè bênà a yu afa lɨm à ngwû toŋa ma, ma wù nè bênà mbisìmbisi agha? Wù ki bûŋtè bèn yi bên kə wù yen ghàn bwunê. Gha ye mu jìsà ha ghàn yi yênà kə ha ghɨt à jɨ̀m. Ghàn hi gbûtè!”

Lak tu bè hì nô tu letu, fə̂ntù nô tu letu, kunsu senâ, ma jìŋ fê kwo a tu lùk a tu lùk, gha mɨ ghɨ̂n bè hì gânà ni a baha mô kə mu lɨ̂m mù ngə̂k yì chìk.

Ghɨ kəta hi fòktì tum yì jùŋ a tu lak tu mbyi tu tù jɨ̀m shyəma gokhini ben.

Ghɨta bè hì bênà dô kə ni na ghɨ bênà a mu yi yet, a bênà nâbi nde jîsà na, ‘À mò kə nâ mu mu we ni!’ Ma bê lehi ghɨt a dona wu lum afân.

“Ghàn hi tôknè, ghɨ bè kwolò ghàn ma fo na ghɨ sak ghàn, ma sam ghàn a ndasu yuŋtesu, ma ghàn fê timi a ghɨt a saka ashyə̂ nì fə̂ntù kum mu, ghàn fokti tum yì jùŋ kum mu ha ghɨna.

Klistù su fəmsu nì fòktì su fəmsu bè fwolò a mu tuk afû chwûtè chwènu, mômà gha kanana kə hi mômhì hi yen na ghɨna làhi lehi nâbi ghɨt ghe Yènfù mò ma fu ti chwok lem hi bònhì.

“À bè hì mô a mu tuk afû, a yu afa ngə̂k yì chìk mi yê me, ma yu chwi kahà fin, ma njoŋ hi fê bana wi, ma njèn me mù mò a nyə̂ ma mù hi chemlê, ma mwə̀ me mù mò a nyə̂ nâ mù jɨ̀m ma mù hi nêkà.