Popular Bible Verses from Maqkuv 13

Share

Khoeruqtaf, ngaq-euq tsawrmyanr baqda’nae, tsawrhaq dawqtawvluf nawmaf-anr byae taef-a. Aerkhawf, arsaqsaq ngae keuvni zif-eu tsawrhaq-aq, yabuq-ir taef-a.

Aryamq khoeryamq aqmyan keuvle-eu la laer nawmaf maq siqnya-eu mirnae, guiqlanq sharshar-aer yawbeur beur-aer jawr-awq.

Aqcawq, nawmaf-anr yarkhaq dar-eu nymr-anr sheuqghae ngae, nawmaf aqjox-aer ya’ngaeq yatmr-eu laer, maq keuvlar-euq minav-aer khanq taqlanr. Khoerngae yamq-anr nawmaf-anr bingaeq bitmr laf-eu lof-aer ngaeq-awr tmr-awq. Aqjeq mirnae aernar-aq, dawq ngaeq-eu ghaq-aq, nawmaf maqngeur-eu, Yawshawr Saflar mae.

Mq hawr-eu mir byov-ir taef-a. Aerkhawf, ngaq-euq dawq-aq, tiqjawr-iq maqbyov-ir-ar.

“Aerkhawf, tsawrhaq tiqghaq-iq arnan hawr-eu aryamq khoer-anr maq siqnya-a. Mq-euq khoertav jawr-eu mqtav ghaqkhaer deuq khawf, Zaqyo khawf maq siqnya-a. Aqda Miqyaer tiq ghaq taef-aer siqnya-eu mae.

Guirdeuv deuvluf-eu gar hawr-eu guirdeuv deuv-eu laer ghaeluf-eu gar nawmaf yagaq taef-a. Aerkhawf, taq tsawqguv-ir, aqjeq mirnae aernar-aq, khoerdeuq ya pyeuflar taef-a. Aerkhawf, arsaq saq-eu maqngeur-a siq.

Nawmaf, nymrsanr ghaq aqgeu ngae ghoflar-eu la laer maq siqnya-eu mirnae, nawmaf yawbeur beur-aer jawr-awq. Uqciftaw paw maqsiq, saerghanr caelar ngae maqsiq, yapoer doerlar ngae maqsiq, uqshawq paw maqsiq. Maqngeur nar-aq, maqnoeq maqdur-aer jawr ngae, aqyawf ghofkeuv lar-awr, nawmaf yufkhav taq-euq gar mawr taef-a. Ngar, nawmaf-anr aernaeq luf-eu heudeuq, tsawrhaq dawqtawv luf-anr khawf aernaeq luf-eu ma. Yawbeur beur-aer jawr-awq!”

Tsawrjeuq tiqjeuq tirjeuq, mirkhanq tiqkhanq tirkhanq deuvcaecae taef-a. Ghawqmya gar mirluv luvlar-awr, maef-awr shuf-eu jeq hawr-eu shaq-awr zanq-eu jeq keuvle taef-a. Heudeuq dawqtawvluf shaq-awr zanq-eu ardanq bae-eu taef-a siq.

Aerkhawf, guiqlanqdawq heu, mirkhanq-euq tsawrjeuq dawqtawv luf-anr jeqhu yabi gaqdoe-ir taef-a.

Tsawrhaq ghawqmya’ni ngaq-euq tsawrmyanr zmqzmq-aer, ‘Ngar-aq, Kali ma’ laer aeraer-aer, tsawrhaq ghawqmya ni-anr sheuqbanqghae taef-a.

“Nawmaf yawqhar yawqha yawmuiq-aer yanr-awq. Aqjeq mirnae aernar-aq, aqcawq, nawmaf-anr khavma armur-anr a’naeq taef-a. Nawmaf, zanrdawq khawqnymr-euq lafkhoer yabi diq taef-a. Nawmaf, ngaq-euq baqda’nae, mirkhanq-anr uvlanr-eu deuq hawr-eu sanqpaq deuq-euq maeqshi yawf-awr, aqyawf maf-anr sarkir yakamq taef-a.

Aqjeq mirnae aernar-aq, Kali jaqmyawf deuq hawr-eu Miqyaer gharduq ngaeqdan-eu jaqmyawf deuq dovle taef-a. Ghaenya nar-aq, tserdov taq-euq tsawrhaq deuq-anr khawf sheuqbanq ghaeni, bisiq bimawr-eu jeq hawr-eu zanqler paq-aer ghae-eu deuq aqyawfmaf janrmaeq taef-a.

“Arnan aryamq khoer-euq lafkhoer, shaqdui zanq duidui-eu aryamq khoer dzeur-euq nar-aq, nanrma zanrtsuini pyeuf-ir-awr, bala khawf yawshaef maqpar bya-aer, aqguir deuq mq-anr nae gaka le-awr, mqtav-euq baoq dawqtawvluf luvlar nyaelarjir taef-a.